مدونة خالد

الجزء الشفاف.. من مفكرتي

لن أقاطع هذه المرة

علاش لأول مرة فحياتي غادي نصوت؟؟ ولمن؟؟
1: علاش: 
دازو 3 حكومات وما تسجلت ما صوتت.. قاطعت.. وما ندمتشي.. 
لكن ف الوقت اللي وقع الانقلاب ف تركيا، من بين الأوائل اللي أدانوا الانقلاب هي أحزاب المعارضة، ليس حبا ف أردوغان أو حزبه، ولكن انتصارا للديموقراطية وحفاظا على المكتسب..
طبعا حنا باقين ما وصلنا لديك المستوى من الديموقراطية (اللي هي بحد ذاتها ماشي كاملة ولكن أحسن ما وصل له الإنسان لمحاولة تطبيق العدل)..
ولكن غادي نصوت كمساهمة للحفاظ على المكتسبات على قلتها.. نقدر ما نشاركشي ف البناء (أو بصيغة أدق، نقدر ما نشاركشي ف البناء بنفس الطريقة، حيت عملي وقناعاتي كنعتقد أنهم كيساهمو ف البناء ولو بطريقة مختلفة) ولكن أني نخلي دكشي يتهدم، فلا.
الخلاصة، سأصوت باش ما نرجعوشي خطوااااات للوراء وحتى حنا يكون عندنا حزب الدولة بحال تونس وانتخابات بحال د السيسي.....

هاد العاام، القضية ماشي فبرنامج انتخابي ولا غيرو.. هاد العام يا نزيدو لقدام ولو ببطء أو نرجعو لور
2: لمن:
الحيحة والروينة ما نايضاشي على عدد المقاعد وشكون الأحزاب المشاركة بلابلابلا..
مربط الفرس: شكون الأول؟؟ (حاتم عمور بلا ما تجاوب انت *_^) بريف.. البام لا..
-اليسار: كنلقى راسي فيه.. كنتفق معه بزااااااااف اكثر من أي توجه.. عاشرت ناس منو مستواهم عالي بزاف.. وما عندوشي مشكل مع الإسلام، وخا بزاف كيبغيو يسوقو لهاد النقطة، اللي كيأكدها تصرف بعض المحسوبين على اليسار.. ولكن ما غنصوتشي للفيدرالية لعدة أسباب:
أ. الفيدرالية ماشي منافس قوي على اللقب، وبالتالي تصويتي عليه تضييع على جهات أخرى أقدر على أنها توقف البام اللي داعمو المخزن بطريقة فوق المعقولة
ب. نفس المؤاخذات اللي كتتقال على العدالة والتنمية هي نفسها اللي ممكن يطيح فيها اليسار حيت حتى هوما باقين ما دخلو للمعمعة وبالتالي ما كايناشي ضمانات حقيقية، بل احتمال يفشل أكبر من فشل العدالة والتنمية لأنه ما عندوشي تجربة قوية حتى ف الجماعات عساك البلاد كاملة
ج. الفيدرالية وخصوصا الاشتراكي الموحد، خطابه محمل بالإديولوجية اكثر ما هو خطاب مدني، وفيه من "السلفية" (حسب مصطلح الأستاذ عبد ربه البخش) الشيء الكثير.. الحلم بإيقاظ اليسار من سباته.. غي كاينين سلفيين باغين يرجعونا 1400 عام وكاين اللي باغي يرجعنا للستينات والسبعينات

(إذا الانتخابات المقبلة خدم اليسار على الجماعات، الانتخابات اللي موراها نصوت عليه مغمض عيني.. هيكون أسس شوية د القاعدة وفنفس الوقت عطا نموذج د الخدمة.. الحلم وحده لا يكفي إخواني الرفاق)
- الاتحاد الاشتراكي والاستقلال... أحزاب عتيدة، شوهوها البراهش الجداد، ومع ذلك، نصوت عليهم وما نصوتشي على البام.. ولكن حتى هوما ما ينافسوشي على الأول
- العدالة والتنمية: دخل سخون.. عرف يلعب.. عرفو يلعبو به.. لو كان كيعمل pnl كان هيعرف أن كاينا قانون كيقول "الخريطة ليست هي المنطقة" أو "الخريطة ليست هي الواقع" .. كانت عندو الجرأة يفتح شي ملفات.. وعور لباباها عينها فملفات أخرى، و عارفو إذا عاود طلع هيصلح شي حويجات وهيرو حاجات آخرين.. ولكن بالنظر إلى مراحل الأداء الطبيعية (اللا أداء، الفاعلية، الفعالية، الكفاءة، الجودة، التميز).. كنشوفو ف الطريق الصحيحة..
صوتي سيذهب للعدالة والتنمية.. ماشي حبا فيه، بل إن الشيء الوحيد الذي كان يعجبني فيه ، وهو الديموقراطية الداخلية، بدأ يتآكل.. لكن حفاظا على المكتسب، والأقل ضررا

عدد التعليقات: 1

مصطفى شعبان يقول...


العمائر تنظيفها من العمليات المرهقه جدا جدا لان بها شقق وسلالم ومناور وجراج وسطح وهذا ما يؤدى الى امر من اثنين تعيش فى جو ملئ بالاتربه والحشرات والاوساخ والجراثيم او تلجئ الى احدى شركات التنظيف واذا قررت القرار الثانى فلا تفكر كثيرا فقط تواصلوا معنا شركة نظافة بالدمام لكى تجدوا افضل خدماتنا الغير محدوده من عمليه التنظيف بمنتهى الجوده التى لن تجد سواها الى لدينا فنحن نقوم بتنظيف الحوائط من الاتربه واثار العته والحشرات الطائره فى الحوائ للسلالم والمناور ونقوم بتنظيف كامل للسلالم وللعماره من الداخل والخارج وان تتطلب الامر الى رافعات فنحن لدينا كافة الادوات التى تؤهلنا لذلك نحن شركة تنظيف بالدمام نقوم بتنظيف كامل وشامل للمفروشات ايضا وازاله كافة البقع والاوساخ من على المفروشات كافه والانتريهات والسجاجيد والستائر كما اننا نجلى السيراميك والمطابخ كافة بدون اى ملل لان هذه هى مهمتنا وهى تحقيق اعلى درجات النظافة مع اقل التكاليف والمجهود الذى سوف تبذله عزيزى العميل لا تفكر كثيرا وتواصل معنا لكى تصل على خدماتنا فى تقيق نظافه عاليه تجعل العماره الخاصه بك نظيفه وجميله تشع طاقة ومؤهله لاستقبال كافة الضيوف او المستاجرين نقوم بتنظيف الشبابيك من الداخل والخارج ونقوم بتنظيف شامل للحمامات والمطابخ وازاله كافة الدهون والشحوم والاوساخ والجراثيم وتسليك البالوعات من اى دهون حتى لا تؤثر على شبكات الصرف الصحى فى المستقبل .
لمزيد من خدماتنا
لمزيد من خدماتنا
شركة نظافة بالخبر
للتواصل
0537772829
لزيارة موقعنا
https://forsan-dmm.com/

إرسال تعليق